ئەنجومەنی نوێنەرانی عێراق کارنامەی کۆبوونەوەی سبەینێ شەممەی بڵاوکردەوە و کاتی دەستپێکردنی دانیشتنەکەشی ڕاگەیاندووە.
بەپێی نووسراوی ئەنجومەنی نوێنەرانی عێراق سبەینێ شەممە پەرلەمان کۆدەبێتەوە بەمەبەستی هەڵبژاردنی سەرۆک کۆمار.
لەکارنامەکەدا هاتووە، دانیشتنەکەی سبەینێ لەکاتژمێر 11:00ی پێشنیوەڕۆ دەستپێدەکات.
بەشێک لە هاوپەیمانی و فراکسیۆنەکان بەشدارینەکردنیان لە دانیشتنەکەدا ڕاگەیاندووە، بۆیە زۆربەی ئەگەرەكان بەرەو تەواونەبوونی ڕێژەی بەشداریكردنی پەرلەمانتارانە لە دانیشتنەكە، ئەگەر زۆرە دانیشتنەكە نەكرێت.
