مستەفا كازمی سەرۆك وەزیرانی عێراق پیرۆزبایی جەژنی نەورۆز دەكات و دەڵێت، با نەورۆز بكەین بە دەرفەت بۆ پەرەدان بە بەهاكانی خۆشەویستی.
لە پەیامێكدا كە ئەمڕۆ یەكشەممە بەبۆنەی جەژنی نەورۆزەوە بە زمانی كوردی بڵاویكردەوە، مستەفا كازمی سەرۆك وەزیرانی عێراق ڕایگەیاند، “جەژنی نەورۆز لە سەرجەم پێكهاتەكانی عێراق پیرۆزدەكەم بەتایبەت گەلی كوردمان”.
لە درێژەی پەیامەكەیدا، سەرۆك وەزیرانی عێراق داوادەكات نەورۆز بكرێت بە دەرفەت بۆ پەرەدان بە بەهاكانی خۆشەویستی و دەڵێت، “با ئەم بۆنە ئازیزە بكەین بە دەرفەت بۆ پەرەدان بە بەهاكانی خۆشەویستی، پشتیوانیكردنی ئارامی، بنیادنانی ئاییندەیەكی گەشتر، هەروەها دەستگرتن بە عێراقەوە وەك نیشتمانێكی بەهێزی یەكگرتووی ئارام و گەشەسەندوو”.
