بەتۆمەتی كوشتنی كارمەندەكەی ئاسایشی چەمچەماڵ و بە بڕیاری دادوەر، فەرمانی دەستگیرکردن بۆ عەبدوڵڵای کوێخا موبارەک و کوڕەکەی دەرچوو.
سەرچاوەیەک لە ئاسایشی چەمچەماڵ تایبەت بە تۆڕی میدیایی ئێستا ڕایگەیاند، لەسەر تاوانی کوشتنی كارمەندەكەی ئاسایشی چەمچەماڵ و بە بڕیاری دادوەر، فەرمانی دەستگیرکردن بۆ عەبدوڵڵای کوێخا موبارەک و کوڕەکەی بەناوی بتوێن دەرچووە.
سەرچاوەكە وتی، “دەبێت عەبدوڵڵای کوێخا موبارەک و کوڕەکەی خۆیان ڕادەستی هێزەکانی ئاسایش بکەن”.
درەنگانی شەوی ڕابردوو لە قەزای چەمچەماڵ تەقە لە کارمەندێکی ئاسایش بەناوی محەمەد عوسمان کرا و دوای گەیاندنی بە نەخۆشخانە بەهۆی سەختیی برینەکانییەوە گیانیلەدەستدا.
بەپێی زانیارییەكان، کوڕێكی عەبدوڵڵای کوێخا موبارەک بەناوی بتوێن تۆمەتبارە بە تەقەكردن لە كارمەندەكەی ئاسایش.
