هەرێم كەمال ئاغا: خوولەكانی داهاتوو سەرۆك كۆمار لە دەرەوەی ڕەزامەندیی لایەنە ‏كوردییەكان یەكلادەكرێتەوە

سەرۆكی فراكسیۆنی یەكێتی لە ئەنجومەنی نوێنەرانی عێراق ڕایدەگەیەنێت، ڕێكنەكەوتن ‏لەسەر پۆستی سەرۆك كۆمار پێشهاتێكی مەترسیدارە و ڕەنگە لە خولەكانی داهاتوو لە ‏دەرەوەی ڕەزامەندیی لایەنە كوردیییەكان پۆستەكە یەكلابكرێتەوە.‏

كورد بۆ پۆستی سەرۆك كۆماری عێراق، دووەم خولە تووشی لێكترازان و ململانێ ‏دەبێتەوە، ئەوەش نیگەرانیی دروستكردووە و پرسە سەرەكییە نیشتمانی و نەتەوەییەكانی ‏بیری لایەنە كوردستانییەكان بردووەتەوە.‏

هەرێم كەمال ئاغا، سەرۆكی فراكسیۆنی یەكێتیی نیشتمانیی كوردستان لە لێدوانێكدا بە ‏تۆڕی میدیایی ئێستای ڕاگەیاند، “لە بری شەڕكردن لەسەر مافە دەستووریەكانمان و كێشە ‏هەڵپەسێردراوەكان، سەرجەمیان لە بابەتی پۆستی سەرۆك كۆمار كۆكراوەتەوە، لەكاتێكدا ‏بابەتی گرنگتر هەیە”.‏

ئاماژەی بەوەكرد، “ڕێكنەكەوتنی لایەنە كوردیییەكان لەسەر پۆستی سەرۆك كۆمار ‏جۆرێك ئیحراجی بۆ هاوپەیمانەكانمان دروستكردووە و پێویستە لە بەغداد شەڕ لەسەر ‏بابەتی پێشمەرگە و ناوچە دابرێندراوەكان بكەین و بابەتی گرنگتر هەیە، بەڵام بەهۆی ‏پۆستی سەرۆك كۆمارەوە كێشە لە نێو ماڵی كورد دروستبووە، كە پێشهاتێكی ‏مەترسیدارە و لێكترازان دروستدەكات”. ‏

بۆیە سەرۆكی فراكسیۆنی یەكێتیی مەترسیی ئەوەی هەیە، “بۆ خولەكانی داهاتوو ڕەنگە ‏لە دەرەوەی ڕەزامەندیی لایەنە كوردییەكان، پۆستی سەرۆك كۆمار یەكلابكرێـتەوە و ‏كەسێك كاندید بكرێت و بكرێتە سەرۆك كۆمار، بۆیە ئەو ناكۆكییانەی هەن سەرەتایەكی ‏خراپن، بەتایبەت كە ماوەیەكە لە عێراقدا بەردەوام باس لە زۆرینە و كەمینە دەكرێت”.‏

بابەتی پێشتر

کوری تووشی پێکانێکی قورس بوو

بابەتی دواتر

جەیمس وێب یەکەمین وێنەی ڕوونی بۆ زەوی ناردەوە

بابەتی پەیوەندیدار
زیاتر ببینە

کیسەڵێک لە سووتان ڕزگارکرا

لە هەوڵی كوژاندنەوەی ئاگری گوندێكدا، لەلایەن هێزەكانی بەرگریی شارستانییەوە كیسەڵێك ڕزگاركرا. بەڕێوەبەرایەتیی بەرگریی شارستانیی سۆران بڵاویکردەوە، “دوای ئەوەی…
Total
0
Share