سەرۆكی ڕوسیا دەڵێت، “پشتیوانیكردنی وڵاتانی خۆرئاوا لە ئۆكرانیا دەبێتەهۆی خوێنڕشتن و دەڵێت، “ئامانجی ئۆپەراسیۆنەكەمان ڕزگاركردنی خەڵكی دۆنباسە نەك داگیركردنی ئۆكرانیا”.
ڤلادیمێر پوتین، سەرۆكی ڕوسیا ئەمڕۆ چوارشەممە لە كۆنگرەیەكی ڕۆژنامەوانیدا ڕایگەیاند، وڵاتانی خۆرئاوا دەیانەوێت بە سزاكانیان ئابوریی جیهان تێكبدەن و كاردەكەن كە ئابوریی ڕوسیا-ش تێكبدەن، بەڵام سەركەوتوو نەبوون.
ئاماژەی بەوە كرد، “پێشتر ئۆكرانیا خۆی بۆ شەڕ دژی ڕوسیا ئامادەكردبوو، ئێمە بۆ پاراستنی خەڵكی دۆنباس ئۆپەراسیۆنمان دەستپێكرد و ئامانجمان داگیركردنی ئۆكرانیا نییە”.
پوتین باسی لەوە كرد، “بۆ بەزركردنەوەی ئاستی بژێویی خەڵكی ڕوسیا لە داهاتوودا مووچەی كارمەندان و خانەنشینان زیاددەكەین”.
سەرۆكی ڕوسیا ڕاشیگەیاند، “بەدەستهێنانی چەكی ئەتۆمی لەلایەن ئۆكرانیاوە پێشهات و ئاڵنگەرییەكی مەترسیدارە”.
