ئاسا سێڵ و کۆڕەک تێلیکۆم هەڵویستیان چییە سەبارەت بە بڕیارەکەی دادگای باڵای عێراق؟

سێ ڕۆژ پێش ئێستا دادگای باڵای عێراق گرێبەستی کۆمپانیاکانی پەیوەندی وەک ئاسیا سێڵ و کۆڕەک تێلیکۆم و ئەسیری نوێ نەکردەوە کۆڕەک تێلیکۆم بڕیارەکە بە سەرسوڕهێنەر ناو دەبات و ئاسیا سێڵ نایەوێت قسە لەسەر بڕیارەکە بکات.

لە پەیوەندییەکی تۆڕی میدیایی ئێستادا عەبدوڵا حەسەن، وتەبێژی کۆمپانیای ئاسیا سێڵ ڕایگەیاند، ئەوان وەک کۆمپانیا گرنگی بە بڕیارەکە نادەن و نایانەوێت هیچ قسەیەکی لەسەر بکەن.

هاوکات لە ڕاگەیەنراوێکدا کە وێنەیەکی بۆ تۆڕی میدیای ئێستا نێردراوە کۆمپانیای کۆڕەک تێلیکۆم ڕایگەیاندووە، “بەپێی بڕیارێکی سەرسورهێنەری دادگای عێراق مۆڵەتی کۆمپانیاکانی پەیوەندیکردن نوێ ناکرێتەوە، ئەم بڕیارە لە دژی ڕێکترین و باشترین کەرت لە هەموو عێراقە، لە کاتێکدا کە یەکێکە لە قورسترین کەرتەکان لەڕووی بەڕێوەبردن”.

کۆڕەک تێلیکۆم ئاماژە بەوەدەکات، “کۆمپانیاکانی پەیوەندیکردن تاکە کۆمپانیان کە بۆ وەرگرتنی مۆڵەتی کارکردن ملیۆنەها دۆلاریان بە دوڵەت داوە، کۆمپانیاکانمان بەهاوبەشی دەوڵەت دادەنرێن کە بە شێوازێک سێ جۆر باج دەدەن”.

سێ ڕۆژ پێش ئێستا دادگای باڵای عێراق بڕیاریدا کە گرێبەستەکانی کۆمپانیاکانی پەیوەندیکردن نوێ نەکاتەوە و لە داهاتوودا بە مەرج و داواکاری نوێیوە ڕێگە بە کاری کۆمپانیاکان بدات.

کۆمپانیاکانی پەیوەندیکردن لە عێراق پێویستە ساڵانە باج بدەنە حکومەت و بە سێ جۆر باجەکانیان دەدەن، لەوانە پێویستە لە ٪15 ی کۆی داهات و لە ٪15 ی قازانج و لە ٪20 ی داهات وەک باجی فرۆشتن بدەنە حکومەتی عێراقی.

بابەتی پێشتر

خشته‌ و کاتی یارییه‌کانی ئه‌مڕۆ، سێشه‌ممه‌ به‌ کاتی هه‌رێمی کوردستان

بابەتی دواتر

بەڕێوبەری گومرگی هەرێم: هیچ دەروازەیەکی سنوری نافەرمی لە هەرێمی کوردستان بوونی نییە

بابەتی پەیوەندیدار
Total
0
Share