باشترین شێوازەکان بۆ نووستنێکی تەندروست

نووستن سێیەکی ڕۆژەکەمان پێکدەهینێت و یەکێکە لە گرنگترین لایەنەکانی ژیان، چونکە لەو کاتەدا جەستە و مێشکمان خۆیان پڕوزە دەکەنەوە.‏

بەپێی ماڵپەڕی “سلیپ هێڵس سولوشنس”، شێوازەکانی نووستن بەپێی ڕاهاتن و خوو لە ‏کەسێکەوە بۆ کەسێکی تر دەگۆڕێن، بەڵام هەر شێوازێک سوود و زیانی خۆی هەیە.‏

خراپترین شێوازی نووستن

لەڕووی تەندرووستییەوە، نووستن لەسەر دەم خراپترین شێوەی نووستنە و 7%ی ‏پێگەیشتووان بەم ‌شێوەیە دەنوون.‏

نووستن لەسەر دەم، دەبێتەهۆی ماندووکردنی پشت و مل، بە تێپەڕینی کاتیش ڕەنگە ئەمە ‏ببێتەهۆی ئازار و سڕبوونی پەلوپۆ. لە پاڵ ئەمانەشدا، کاتی ڕاکشان لەسەر دەم، ‏سووڕاندنی ملت بە لایەکدا، دەشێ زیان بە سووڕی خوێن بگەیەنێت و بواری هەناسەدانت ‏کەمبکاتەوە.‏

گەر ناتوانیت واز لەم شێوازەی نووستن بهێنیت، ئەوا لایەنی کەم دەتوانیت باشتریبکەیت. با ملت ڕێکبێت و تەنیا ناوچەوانت بخەسەر بەشی خوارەوەی سەرینەکەت. بەم ‏شێوەیە، بڕبڕەی پشت ڕێکتر دەوەستێت و پرۆسەی هەناسەدان باشتردەبێت.‏

شێوازی باشی نووستن

شێوەی ڕاکشان لەسەر پشت، بەربڵاوترین ڕێگایە بۆ نووستن و 38%ی خەڵکانی ‏پێگەیشتوو پەیڕەویدەکەن.‏

نووستن لەسەر پشت وادەکات باری بڕبڕەی پشت ئاساییبێت، ئەمەش ڕێگری لە ‏هەندێک ئازاری شان و مل و پشت دەکات، کە شێوازەکانی تری نووستن دەبنە هۆکاری.‏

بەڵام ئەم شێوازە دەبێتەهۆی پرخەپرخ و تەنگبوونەوەی دەرچەی هەناسەدان، ‏چونکە کاتی خاوبوونەوەی زمان و ماسوولکەکانی دەم، هێزی کێشکردن بەرەو ناوەوە ‏ڕایاندەکێشێت.‏

بۆ باشترکردنی ئەمە، سەرینی زیادەی تایبەت بە مل بەکاربهێنە، یان سەرینێکی نزم لەژێر ملتدا دابنێ و سەرینێکی دیکەی مامناوەندیش بۆ سەرت.‏

باشترین ڕێگای نووستن

بەپێی پسپۆڕان، تەندروستترین ڕێگای نووستن، نووستنە لەسەر لا و 54%ی ‏خەڵکانی پێگەیشتوو لە جیهاندا پەیڕەویدەکەن.‏

پزیشکان و پسپۆڕەکانی نووستن ڕێنمایی دەدەن کە ئەم شێوەیە پەیڕەوبکرێت، چونکە ‏تێیدا بڕبڕەی پشت ڕێکدەبێت و لە ئازار پارێزراو دەبێت. هەروەها هەناسەدان لەم بارەدا ‏سروشتیترە، بۆیە باشترە ئەوانەی تەنگەنەفەسی و کێشەی پرخاندنیان هەیە، ئەم ‏شێوازە پەیڕەوبکەن، هەروەها ئەوانەش کە ئازاری پەلوپۆیان هەیە.‏

بابەتی پێشتر

نەوت بەردەوامە لە دابەزین

بابەتی دواتر

یوڤانتۆس فرسەتی دوو یاریزان لە چێڵسی دەهێنێت

بابەتی پەیوەندیدار
زیاتر ببینە

تەندروستیی هەولێر لەبارەی گیانلەدەستدانی ژنێک لە نەخۆشخانەی لەدایکبوون روونکردنەوە دەدات

بەڕێوەبەری تەندروستیی هەولێر رایگەیاند، ئەو ژنەی لە نەخۆشخانەی لەدایکبوون گیانیلەدەستدا بەپێی لێکۆڵینەوە سەرەتاییەکان بەهۆی درەنگ گەیشتنییەوە بووە بە…
Total
0
Share