لایەنەكانی چێوەی هەماهەنگیی شیعەكان لە ماڵی هادی عامری، بۆ تاوتوێكردنی دوایین پێشهاتە سیاسییەكان و پێكهێنانی كابینەی نوێی حكومەت كۆدەبنەوە.
شەوی ڕابردوو موقتەدا سەدر ڕێبەری ڕەوتی سەدر، لەڕێگەی تەلەفۆنەوە پەیوەندی بە نوری مالكی، سەرۆكی هاوپەیمانیی دەوڵەتی یاساوە كردووە و گفتوگۆیان لەبارەی پێكهێنانی كابینەی نوێی حكومەتەوە كردووە.
میدیاكانی عێراق لە زاری سەرچاوەیەكی باڵای شیعەكانەوە ئاشكرایانكردووە، دوابەدوای پەیوەندییە تەلەفۆنییەكەی نێوان سەدر و مالكی، بڕیارە ئەمڕۆ هەینی لایەنەكانی پێكهێنەری چێوەی هەماهەنگیی شیعەكان كۆبوونەوەیەكی بەپەلە لە ماڵی هادی عامری، سەرۆكی هاوپەیمانیی فەتح ئەنجامبدەن و دوایین پێشهاتەكانی پرۆسەی سیاسیی عێراق و پێكهێنانی كابینەی نوێی حكومەت تاوتوێبكەن.
