وەزیری پێشمەرگە و وەزیری بەرگریی عێراق، هەماهەنگییەكانی نێوان هێزەكانی پێشمەرگە و سوپای عێراق دووپاتدەكەنەوە.
بەپێی ڕاگەیەندراوێكی وەزارەتی پێشمەرگە، جومعە عناد سەعدون، وەزیری بەرگریی عێراق لە ڕێگای فرۆكەخانەی نێودەوڵەتیی سلێمانییەوە سەردانی هەرێمی كوردستانی كردووە و لەلایەن شۆڕش ئیسماعیل، وەزیری پێشمەرگەوە پێشوازی لێكراوە.
لە دیدارەكەدا پرسی كولێژە سەربازییەكان و مەشقی هاوبەشی پێشمەرگە و سوپای عێراق گفتوگۆیان لەبارەوە كراوە، وەك ڕاگەیەندراوی وەزارەتی پێشمەرگە دەڵێت.
لە ڕاگەیەندراوەكەدا هاتووە، هەماهەنگییەكانی نێوان هێزی پێشمەرگە و سوپای عێراق بۆ پاراستنی ئاسایشی هەرێمی كوردستان و عێراق لە كۆبوونەوەكەدا دووپاتكراونەتەوە.
