سەرۆكی ئەمریكا هاوردەكردنی بەرهەمە نەوتییەكانی ڕوسیای بۆ وڵاتەكەی قەدەغەكرد و ڕایگەیاند “بەهەموو شێوەیەك پشتیوانیی ئۆكرانیا دەكەین”
ئەمڕۆ سێشەممە جۆ بایدن، سەرۆكی ئەمریكا لە كۆشكی سپی وتارێكی پێشكەشكرد و ڕایگەیاند، “هاوردەكردنی بەرهەمە نەوتییەكانی ڕوسیا بۆ ئەمریكا قەدەغە دەكەین، كە كاریگەری گەورەی لەسەر ئابوریی ڕوسیا دەبێـت و هەموو هەوڵێكیش دەدەین بە سزاكانمان هاوڵاتییانی ئەمریكا زەرەرمەند نەبن”.
سەرۆكی ئەمریكا ئاماژەی بەوەكرد، “بەردەوامدەبین لە سەپاندنی سزاكانمان بەسەر ڕوسیا و پشتیوانیی ئۆكرانیا دەكەین و چیتر نەوت و گازی ڕوسیا هاوردە ناكەین”.
