جارێکی دیکە دراوی دیجیتاڵی بیتکۆین بۆ خوار 40 هەزار دۆلار دابەزی، لەکاتێکدا چاودێرانی دراوە دیجیتاڵییەکان ئاماژەیان بۆ ئەوە دەکرد بیتکۆین ڕوو لە بەرزبوونەوە دەکات.
پێگەی کوین دیسک ئاشکرایکرد، ئێوارەی ئەمڕۆ هەینی دراوی دیجیتاڵی بیتکۆین بۆ 39 هەزار و 700 دۆلار دابەزی لەگەڵ ئەوەی پێشتر کەمێک بوژانەوەی بەخۆیەوە بینیبوو.
دراوی بیتکۆین ڕۆژی پێنجشەممە بەڕێژەی 7.4%ی بەهاکەی لەدەستدا و گەیشتە 40 هەزار و 631 دۆلار، ئاستی لەدەستدانی نرخەکەشی گەیشتە 15.3%ی نرخەکەی لەسەرەتای ساڵی نوێوە.
