لە گوندێکی بچووکی ئیتالیا، دوای هەشت ساڵ منداڵێک لەدایک بووە و دانیشتووانی گوندەکە بەو بۆنەیەوە ئاهەنگ دەگێڕن.
ڕۆژی 19ی تەمموز، دوای هەشت ساڵ منداڵێک لە گوندەکەدا لەدایک بووە و ناویان ناوە دێنس. بەرپرسی گوندەکە لەو بارەیەوە وتی، “ئەمە وەک بۆنەیەکی تایبەتە بۆ هەموو دانیشتووانی گوندەکە”.
منداڵەکە لە سەروبەندی بڵاوبوونەوەی پەتای ڤایرۆسی کۆرۆنای نوێدا لەدایکبووە، دایکی ئاماژەی بەوە کرد ئاسان نییە لە ئێستادا منداڵت ببێت، کاتێکیش لە نەخۆشخانە دەگەڕێنەوە، ئاهەنگێک ساز دەکەن، “باوەشمان بۆ هەمووان کراوەیە و پێشوازییان لێ دەکەین. دڵمان خۆشە بەوەی بچکۆلەکەم لە دانیشتووانی مۆرتێرۆنی بێت و ژمارەمان زیاد بکات، ئەگەر کەمێکیش بێت”.
بەرپرسی گوندەکە لە درێژەی قسەکانیدا ئاشکرای کرد لە ئێستادا ژمارەیان بووە بە 29 کەس، “هیچ یەکێکی دیکەمان دووگیان نییە، لانیکەم هێندەی من بزانم… بەڵام بێگومان لەدایکبوونی منداڵی تازە خۆشییە بۆ هەموومان”.
