بەڕێوەبەرایەتیی كوالێتى کۆنتڕۆلی جۆری دەرمان ڕایده‌گه‌یه‌نێت، بەھۆى سەرپێچی و پابەندنەبون بە ڕێنمایی و مەرجەکانی وەزارەت و کوالێتی کۆنتڕۆڵی دەرمان، ئەمڕۆ دوو کۆمپانیای دەرمان لە ھەولێر و کۆمپانیایەک لە دھۆک داخراون.
له ڕاگه‌یه‌ندراوێكدا بەڕێوەبەرایەتیی كوالێتى کۆنتڕۆلی جۆری دەرمانی هەرێم ئاماژه‌ى به‌وه‌كردووه، بەڕێوەبەرایەتییه‌كه‌یان لەگەڵ پۆلیسی شارەوانی قەزای ناوەندی ھەولێر و دھۆک سێ کۆمپانیای دەرمانیان داخستووه، بەھۆکاری سەرپێچی جۆراوجۆر و پابەندنەبون بە ڕێنمایی و مەرجەکانی وەزارەت و کوالێتی کۆنتڕۆڵی دەرمان.
باسیله‌وه‌شكردووه، “دامەزراوەی کۆنتڕۆڵی جۆری دەرمان ھۆشداری دەدات بە سەرجەم کۆمپانییاکانی دەرمان پابەندی ڕێنمایەکان بن و بەپێچەوانەوە ڕووبەڕووی سزای یاسایی توند دەبنەوە.”
