عێراق هەنگاو بۆ هێنانی غاز لە قەتەرەوە دەنێت

بۆ پڕكردنەوەی پێداویستیی وێستگەكانی كارەبایە

هاوردەكردنی غاز لە قەتەرەوە لە كۆبوونەوەیەكی نێوان وەزیری كارەبای عێراق و وەزیری نەوت و وزەی قەتەر تاوتوێكرا.

وەزارەتی كارەبای عێراق لە ڕاگەیەندراوێكدا ئاشكرایكرد، عادل كەریم، وەزیری كارەبا لەگەڵ سەعد شریدە كەعبی، وەزیری نەوت و وزەی قەتەر تاوتوێی پرسی هاوردەكردنی غازیان كردووە بۆ چارەسەر و پڕكردنەوەی ئەو بۆشاییەی لەو سەرچاوەیەی وزەدا هەیە بۆ كارپێكردنی وێستگەكانی بەرهەمهێنانی كارەبا.

لە دیدارەكەدا كە لە دەوحە بەڕێوەچوو تاوتوێی سەرجەم پرسە لۆجیستییە پێویستەكان بۆ هێنانی غاز لەڕێی بەندەرەكانی قەتەرەوە بۆ عێراق كراوە.

بەپێی ڕاگەیەندراوەكە وەزیرە قەتەرییەكە ئامادەیی خۆی نیشانداوە، پرسەكەش پێویستی بە ڕێوشوێنی خێرا و یەكخستنی هەوڵەكان هەیە لەلایەن وەزارەتەكانی نەوت، گواستنەوە و دارایی و سەرجەمیان لەگەڵ وەزارەتی كارەبادا بۆ بەجێگەیاندنی ئەو پرۆژەیە كە وەزارەتەكە “زیندوو و گرنگ” ناویبردووە.

بابەتی پێشتر

به‌رزکردنه‌وه‌ی جامی نه‌ته‌وه‌کانی ئه‌فریقا له‌لایه‌ن هه‌ڵبژارده‌ی سه‌نیگاله‌وه

بابەتی دواتر

توركیا و گروپە چەكدارەكان دەوروبەری حەسەكە بۆردومان دەكەن

بابەتی پەیوەندیدار
زیاتر ببینە

نرخی دۆلار دابەزی

نرخی دراوەكان بۆ ئەمڕۆ سێشەممە لە بازاڕەكانی هەرێمی كوردستان بڵاوکرانەوە، نرخی دۆلار بەراورد بە دوێنێ دووشەممە کەمێک دابەزیوە.…
Total
0
Share