بەهۆی گرانیی نرخی برنجەوە بەشێک لە خەڵکی شاری سەقز لە ڕۆژهەڵاتی کوردستان نۆرەیان گرتووە بۆ کڕینی برنج بە نرخێکی کەمتر لە بازاڕ.
ئەنجومەنی کرێکاران و کاسبکارانی سەقز، بانگەوازی کردووە بۆ ئەندامەکانی کە برنج دابەشدەکات بە نرخێکی کەمتر، بەهۆی ئەوەوە خەڵکێکی زۆر بۆ کڕینی برنج گەیشتوونەتە شوێنەکە.
لە ماوەی چەند مانگی ڕابردوو برنج یەکێکی دیکە بوو لەو خواردەمەنییانەی کە بەردەوام نرخی بەرزدەبێتەوە و یەک کیلۆ برنجیش تا 95 هەزار تمەن ڕۆشتووە.
ئەنجومەنی کرێکاران و کاسبکارانی سەقز لەبارەی ئەو نۆرەگرتنەوە ڕایگەیاندووە، “ئێمە چاوەڕوانی ئەو هەموو خەڵکەمان نەدەکرد، کە کۆببونەوە بۆ کڕینی برنج، بەڵام دیسانەوە ئاساییە ئەگەر خەڵکی چاوەڕێی کڕینی برنج بن بۆ کەسوکارەکانیان بە نرخێکی کەمتر.
بەپێی زانیارییەکان ئەنجومەنی کرێكاران و کاسبکارانی سەقز لە حەوت هەزار ئەندام تەنها 185 کیسە برنجی هیندی و 300 کیسە برنجی تایلەندییان لەبەردەستدا بووە بۆ دابەشکردن بە نرخێکی هەرزانتر.
صف خرید برنج؛ سقز#گزارشگرمنوتو
WhatsApp/Telegram +44 7590 899 999 pic.twitter.com/7FBJBTKLvR— اتاق خبر منوتو (@ManotoNews) February 6, 2022
