کەشناسیی هەرێم کەشوهەوای ناوچەکانی هەرێمی کوردستانی بڵاوکردەوە، بەپێی پێشبینییەکان، ئەمڕۆ لە ناوچە شاخاوییەکان بەفرێکی کەم دەبارێت.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ڕایگەیاند، ئەمڕۆ لە ئاسمانی هەرێمی کوردستان هەوری تەواو و نیمچەهەور دەبێت، لەگەڵ ئەگەری نمەباران، هەروەها لە ناوچە شاخاوییەکان پێشبینی بارینی بەفرێکی کەم دەکرێت.
سبەینێ یەکشەممە ئاسمان ساماڵ و نیمچەهەور دەبێت، لەگەڵ ئەگەری نمەباران لەناوچە شاخاوییەکان.
