بڕیارە ئەمڕۆ دادگای باڵای فیدراڵی سكاڵای تایبەت بە گەورەترین فراكسیۆن یەكلابكاتەوە.
سێشەممەی ڕابردوو دادگاكە كۆبووەوە و بڕیاریداوە تاوتوێكردن و بڕیاردان لەسەر سكاڵای تایبەت بە گەورەترین فراكسیۆن بۆ ئەمڕۆ پێنجشەممە 3ی شوبات دوابخات.
پێشتر دادگاكە دوو سكاڵای پەیوەندیدار بە یەكلاكردنەوەی فراكسیۆنی پەرلەمانیی خاوەن زۆرترین ژمارە كورسی پێگەیشت.
لە دانیشتنی یەكەمی ئەنجومەنی نوێنەرانی عێراق لە 9ی كانونی دووەمی ڕابردوودا، پرسی گەورەترین فراكسیۆن لەنێوان ڕەوتی سەدر و هێزەكانی چێوەی هەماهەنگی ناكۆكی و ڕای جیاوازی لێكەوتەوە.
تائێستا ڕەوتی سەدر خۆی وەك گەورەترین فراكسیۆن دەبینێت و ڕێككەوتنی لەگەڵ پارتی و سوننەكان هەیە بۆ یەكلاكردنەوەی پۆستە باڵاكانی عێراق و پێكهێنانی حكومەتی داهاتوو كە دەیەوێت حكومەتی زۆرینە بێت.
