خۆسەریی ڕۆژئاوای كوردستان: بۆردومانەكانی توركیا لە تۆڵەی شكستەكەی داعشن لە ‏حەسەكە

خۆبەڕێوەبەریی ڕۆژئاوای كوردستان دەڵێت، تورکیا بۆ تۆڵەکردنەوەی شکستەکەی داعش لە حەسەکە، هێرشیكردەسەر مەخمور و شەنگال و دێرک.

خۆبەڕێوەبەریی باکوور و ڕۆژهەڵاتی سوریا لەبارەی هێرشەکانی شەوی ڕابردووی دەوڵەتی داگیرکەری تورک بۆ سەر کامپی پەنابەرانی شەهید ڕۆستەم جودی لە مەخمور و شەنگال و شارۆچکەی دێرک، ئەمڕۆ چوارشەممە ڕاگەیەندراوێکی بڵاوکردەوە.

لە ڕاگەیەندراوەكەیدا خۆبەڕێوەبەریی باکوور و ڕۆژهەڵاتی سوریا ڕایگەیاندووە، دوای ئەوەی خەونی زیندووکردنەوەی داعش لەناوچوو، دەوڵەتی تورکیا بۆ تۆڵەکردنەوەی ئەو شکستە، لەیەک کاتدا شەهبا، شەنگال، کامپی مەخمور و گوندێکی دێرکی بۆردومانکرد.

دەشڵێت، “لەمەوە بۆمان دەردەکەوێت کە دەوڵەتی تورکیا نیگەرانە لە شکستی داعش لە حەسەکە، هەوڵدەدات جارێکی دیکە سەقامگیریی ناوچەکە تێکبدات و زەمینەیەکی نوێ بۆ گەڕانەوەی تیرۆر ئامادەبکات”.

خۆبەڕێوەبەریی باکوور و ڕۆژهەڵاتی سوریا لە ڕاگەیەندراوەكەیدا داوا لە کۆمەڵگەی نێودەوڵەتی و هاوپەیمانیی نێودەوڵەتیی دژی داعش و ڕوسیا دەکات، ڕێگری لە هێرشەکانی تورکیا بکەن و دەڵێت، “ئێمە ئەو ڕێککەوتنە بەبیر ڕوسیا و ئەمریکا دەهێنینەوە کە لەگەڵ دەوڵەتی تورک کراوە بۆ ئاگربەست”.

بابەتی پێشتر

ئۆپیك+ بڕیاریدا بەرهەمهێنان بە 400 هەزار بەرمیلی ڕۆژانە زیادبكات

بابەتی دواتر

ڕاهێنەری عێراق دوورخرایەوە

بابەتی پەیوەندیدار
زیاتر ببینە

بەغداد بەڵێنێك بە هەرێم دەدات

وەزارەتی بازرگانیی عێراق بەڵێندەدات كێشەی دابەشنەكردنی ئارد لە هەرێمی كوردستان چارەسەربكات. موسەننا ئەمین، ئەندامی ئەنجومەنی نوێنەرانی عێراق ڕایگەیاند،…
Total
0
Share