ئامارێکی نوێ دەریدەخات 73 هەزار و 300 جۆری درەخت لە جیهاندا هەن لەو ژمارەیە تائێستا نۆ هەزاریان دۆزینەوەکان لەبارەیانەوە تەواونەبوون.
هەزاران توێژەر ڕووپێوییەکەیان ئەنجامداوە و هەوڵی ئاشکراکردنی ژمارەی جۆرە جیاوازە نەزانراوەکانی درەخت لە جیهاندا دەدەن.
توێژەران زانیارییان لەبارەی 98 ملیۆن درەخت لە 90 وڵاتدا کۆکردووەتەوە کە تائێستا بوونیان هەیە.
ئامارەکە دەریدەخات 14%ی جۆرەکانی درەختەکان ئەوانەن پێشتر دۆزراونەتەوە، یەک لەسەر سێی ئەو درەختانە نەدۆزراونەتەوە و جۆری دەگمەنن، واتە دەکرێت ڕووبەڕووی لەناوچوون ببنەوە بەهۆی کارەساتە ژینگەییەکان، ئاڵوگۆڕی ئاووهەوا و بەکارهێنانی ئەو زەوییانە لەلایەن مرۆڤەوە.
جینگجینگ لیانگ سەرپەرشتیاری سەرەکیی تویژینەوەکە دەڵێت، “پێویستمان بە هەوڵێکی جیهانییە بۆ پاراستنی میراتی درەخت لەسەر زەوی”.
تائێستا هەزاران جۆری درەختی نەناسرا لە جیهاندا هەن و ڕێژەی 40%یان لە ئەمریکای باشوورە.
توێژەران دەڵێن، هەندێک لە درەختەکان تائێستا نەناسراون بەهۆی ئەوەی دەکەونە ئەو ناوچانەی دانیشتووانی بنەڕەتیی دارستانەکانیان تێدا دەژین و ڕێگەیان بەوە نەداوە.
ئاماژە بەوەش کراوە، زۆرترین ڕێژەی درەختە جۆراوجۆرەکان لە ئامازۆندایە کە لە هەر هێکتارێکدا 200 جۆری جیاوازی درەخت بوونیان هەیە.
