ئاسایشی سلێمانی ڕایدەگەیەنێت، لە ئۆپراسیۆنێكدا دوو ئەندامی سەر بە گروپی داعش لەناو شاری سلێمانی دەستگیركران.
بەڕێوەبەرایەتی ئاسایشی پارێزگای سلێمانی ڕایگەیاند، هێزەکانی ئۆپراسیۆنی ئاسایش لە بەرواری 23ی ئەم مانگە “لەناو شاری سلێمانی توانیان دوو تیرۆریستی سەر بە ڕێکخراوی تیرۆریستی داعش دەستگیربکەن”.
ئاسایش لەگەڵ ڕاگەیەندراوەكەیدا تۆمارێكی ڤیدیۆی تایبەت بە ئۆپراسیۆنەكە بڵاوكردووەتەوە.
ڕاگەیەندراوەكەی ئاسایش ناو و ناسنامەی دەستگیركراوەكانی ئاشكرانەكردووە.
