بەرەبەیانی ئەمڕۆ چەکدارانی داعش لە ناحیەی عزێم-ی پارێزگای دیالە هێرشیانکردووەتەسەر بنکەیەکی سەربازیی سوپای عێراق و 11 ئەندامی سوپا کوژراون.
میدیا عێراقییەکان ئاشکرایانكرد، هێرشەکان لە گوندەکانی ” الطالعة و الكرامي” ڕوویانداوە و بەهۆی نالەباریی کەشوهەواوە هێرشەكە پێشبینینەکراو بووە”.
دوای هێرشەکە هێزی پشتوانی گەیشتووەتە شوێنی ڕووداوەکە و چەکدارانی داعش ناوچەکەیان بەجێهێشتووە.
لە ماوەی حەوت ساڵی ڕابردوودا، نالەباریی کەشوهەوا بۆ چەکدارانی داعش دەرفەتێکی لەباربووە بۆ هێرشکردن و شەوی ڕابردووش چەکداران هێرشیانکردەسەر زیندانێک لە ڕۆژئاوای کوردستان.
