دهۆک.. بەهۆی کەشوهەواوە 17 ڕووداوی هاتوچۆ ڕوویانداوە و حەوت کەس برینداربوون

لە پارێزگای دهۆک لە ماوەی 72 کاتژمێری ڕابردوودا 17 ڕووداوی هاتوچۆ ڕوویانداوە کە هۆکارەکەیان بەستنی ڕێگاکان و خلیسکانی ئۆتۆمبێلەکان بووە.

ئازاد تەها وتەبێژی بەڕێوەبەرایەتیی هاتوچۆی دهۆک ئاماری ڕووداوەکانی هاتوچۆی لە سنووری پارێزگاکە بە تۆڕی میدیایی ئێستا ڕاگەیاند و بەپێی ئامارەکە، لە 72 کاتژمێری ڕابردوودا 17 ڕووداوی هاتوچۆ ڕوویانداوە و بەهۆیانەوە حەوت کەس برینداربوون.

ئاماژەی بەوەش کردووە کە هۆکاری ڕووداوەکانی هاتوچۆ بەستنی ڕێگاکان بووە، بەهۆیەوە ئۆتۆمبێلەکان خلیسکاون و تووشی ڕووداوی هاتوچۆ بوون.

وتەبێژی هاتوچۆی دهۆک داوای لە شۆفێران کرد، لەپێناو سەلامەتییان لە کاتەکانی بەیانیان و ئێواراندا بەو ڕێگایانەی ئەگەری بەستنیان هەیە هاتوچۆ نەکەن.

بابەتی پێشتر

ڕۆژنامەی فەرمیی عێراق: سەدر و چێوەی هەماهەنگی لەبارەی كاندیدی سەرۆك وەزیرانەوە ڕێككەوتوون

بابەتی دواتر

دوو ڕۆژی داهاتوو تەنها مووچەی دوو وەزارەت دەدرێت

بابەتی پەیوەندیدار
زیاتر ببینە

وەزیری پەروەردە لەبارەی فرۆشتنی ئاژەڵ لەلایەن پەروەردەی سلێمانییەوە: سوپاستان دەکەین

وەزیری پەروەردەی هەرێمی کوردستان لەبارەی فرۆشتنی ژمارەیەک ئاژەڵ لەلایەن بەڕێوەبەرایەتیی پەروەردەی سلێمانییەوە ڕوونکردنەوەیەکی بڵاوکردووەتەوە و تێیدا سەرەڕای سوپاسی…
Total
0
Share