بەهاوکاری ڕێکخراوی نێودەوڵەتی بۆ کۆچ (IOM) هەر کۆچبەرێکی عێراقی لە شارەکانی یۆنانەوە بگەڕێتەوە بڕی هەزار یۆرۆی پێدەدرێت.
بڕیارەکە بەو شێوازەیە، هەر کەسێک یان خێزانێک کە نیشتەجێی شارەکانی یۆنانە، بیەوێت بگەڕێتەوە بۆ وڵاتی خۆی، بڕی هەزار یۆرۆ بۆ هەر ئەندامێکی خێزانەکەی پاداشت دەکرێت.
بەپێی ڕێنماییەکانی (IOM) ئەم هەزار یۆرۆیە بۆ ئەو کەسانەی کە لە دوورگەکاندان کەمترە و تەنها 500 یۆرۆیان پێدەدرێت.
حکومەتەكانی عێراق و هەرێم لە چەندین وڵاتەوە لە هەوڵی گەڕاندنەوەی کۆچبەراندان، کە وەک خۆیان دەڵێن “بەئارەزوومەندانە” دەیانەوێت کۆچبەران ڕوو لە وڵاتی یەکەمیان بکەنەوە و تا ئێستا لەگەڵ وڵاتانی “لیتوانیا و بیلاڕوسیا و ئەڵمانیا و یۆنان” گفتوگۆ لەوبارەیەوە کراوە.
