بافڵ تاڵەبانی بۆ جەژنی یارانی قەوڵتاس: کاکەییەکان پێکهاتەیەکی ڕەسەنن و ڕۆڵیان لە پێکەوەژیانی ئاینی بەرز دەنرخێنین

بافڵ جەلال تاڵەبانی بەبۆنەی جەژنی سێ شەوەی کاکەییەکانەوە پەیامێکی پیرۆزبایی بڵاوکردەوە تێیدا ڕۆڵی کاکەییەکان وەک پێکهاتەیەکی ڕەسەن لە پێکەوەژیانی ئاینی و کۆمەڵایەتیی کوردەواریدا بەرز دەنرخێنێت.

بافڵ جەلال تاڵەبانی لەپەیامەکەیدا دەڵێت، “ئەمشەو خوشک و برایانی کاکەیی کە جەژنی سێ شەوەی (یارانی قەوڵتاس) بەڕێدەکەن، وێڕای گەرمترین پیرۆزباییمان بەم بۆنەیەوە، ئومێدەوارم لە کەشێکی ئارام و خۆشیدا ئەم جەژنە بکەنەوە”.

ڕایگەیاندووە، “کاکەییەکان کە پێکھاتەیەکی رەسەن و گرنگی گەلەکەمانن، لە مێژووی دێرین و نوێشدا ھەمیشە لە ڕیزی پێشەوەی خەبات بوون و ڕۆڵی جوامێرانەیان لە پێکەوەژیانی ئاینی و کۆمەڵایەتیی کوردەواریدا بەرز دەنرخێنین”.

دەشڵێت، “ئومێدەوارم ئەمشەو ببێتە مایەی تەبایی و قووڵکردنەوەی برایەتی و خۆشەویستیی زیاتر لەناو گەلەکەماندا”.

لە پەیامەکەیدا جەختدەکاتەوە، کە یەکێتیی نیشتمانیی کوردستان وەک ھەمیشە پارێزەر و پشتیوانی بەدیھێنانی مافەکانتان دەبێت و پارێزگاری لە تایبەتمەندی ئاینیی کاکەیی و ئاینزاکان و پێکھاتەکانی تری نەتەوەکەمان دەکات، کە بە سەدان ساڵە لەم کوردستانەدا پێکەوە دەژین و لێبووردە لەبەرامبەر جیاوازییەکان بە ئاشتییانە و برایانە ژیان بەڕێدەکەن.

بابەتی پێشتر

مەترسیدارە.. هاتوچۆی سلێمانی لەبارەی ڕۆیشتن بە شەقامی 60 مەتریدا هۆشداری دەدات

بابەتی دواتر

سوپای عێراق جموجوڵە سەربازییەكانی لە شەنگال زیادكردووە

بابەتی پەیوەندیدار
Total
1
Share