جۆ بایدن سەرۆکی ئەمریکا لە وتەیەکی تەلەڤیزیۆنیدا بەبۆنەی “ڕۆژی مارتن لۆسەر کینگ”ەوە وتی، “پێویستە کارە تەواونەکراوەکانی تەواوبکەین”، ڕایگەیاند کە دیموکراسیی ئەمریکا ڕووبەڕووی “هێرش” بووەتەوە.
جۆ بایدن لە وتەکەیدا دەڵێت، لۆسەر کینگ تەمەنی 15 ساڵ بوو کاتێک دەستی بە گەشتەکەی کرد بۆ جێبەجێکردنی “ئەمریکا بۆ هەموو ئەمریکییەکانە”، ئەو ئەمەی تەنها بە خەون نەهێشتەوە بەڵکو کردی بە “کردار”.
ئاماژەی بەوەکرد، “لەمڕۆژەدا نابێت تەنها یادی بکەینەوە، بەڵکو پێویستە ئەو کارانەی کە تەواونەکراون تەواویان بکەین، لە فەراهەمکردنی کار، دادپەروەری، پارێزگاری لە مافی پیرۆزی دەنگدان بە یەکسانی بۆ هەمووان کە ئەوە سەرچاوەی هەموو مافەکانە”.
بایدن جەختیکردەوە کە “دیموکراسییەکەمان لەژێر هەڕەشە و هێرشدایە”، وەک ئەو هێرشەی لە مانگی کانونی یەکەمدا کۆمارییەکان ئەنجامیاندا بۆسەر مافی دەنگدان، ئەو هێرشە بۆ ڕێگریکردن نەبوو لە دەنگدان بەڵکو دەربارەی ژماردنەوەی دەنگەکان بوو، ئەوە کارێکی پیسە بەرامبەر دەنگدەران و هەڵبژاردنیش.
On Martin Luther King Jr. Day, we must commit to his unfinished work – of delivering jobs and justice, and protecting the sacred right to vote. pic.twitter.com/kS1sRnGAwS
— President Biden (@POTUS) January 17, 2022
لەلایەکی دیکەوە ئەنتۆنی بلینکن وەزیری دەرەوەی ئەمریکا بەهەمان بۆنەوە ڕایگەیاند، “مارتن لۆسەر کینگ و میراتەکەی بەردەوام ئیلهامن بۆ ئەوانەی هەوڵی بەدیهێنانی یەکسانی دەدەن نەک تەنها لە ئەمریکا بەڵکو لەسەرتاسەری جیهان”.
Dr. Martin Luther King, Jr.’s words and legacy continue to inspire those seeking equality — not just in the U.S., but around the world. We honor him today, give thanks for all who work to correct injustices, and uphold his legacy by continuing to strive for a more just world. pic.twitter.com/kd3kCQrr0l
— Secretary Antony Blinken (@SecBlinken) January 17, 2022
