بەڕێوەبەرایەتیی گشتیی پەروەردەی سلێمانی ڕایگەیاند، بەهۆی ئەو شەپۆلە سارد و سەرمایەوە بڕیاردراوە بە ڕاگرتنی تاقیکردنەوەکانی وەرزی یەکەم لە سبەینێوە تا هەفتەی داهاتوو.
لە ڕاگەیەندراوێکدا پەروەردەی سلێمانی دەڵێت، “دوای ڕاوێژ لەگەڵ بەڕێزان پارێزگاری سلێمانی و بەڕێوەبەری کەشناسی و بومەلەرزەی سلێمانی، لەبەر دابەزینی پلەی گەرمی و بەستەڵەک و سەرما و بۆ پاراستنی گیانی قوتابییان و خوێندکاران، بڕیارماندا بە ڕاگرتنی تاقیکردنەوەکانی کۆتایی وەرزی یەکەم لە ڕۆژانی سێشەممە و چوارشەممە و پێنجشەممە لە گشت ناوەندەکانی خوێندن بە حکومی و ناحکومییەوە، تاقیکردنەوەکان دەچنە (2022/1/25) بەپێی خشتەیەکی تایبەت کە لەلایەن کارگێڕیی قوتابخانەکانەوە دیاریدەکرێت”.
