ئیسرائیل بڕیاریدا مزگەوتی عەبدولڕەحمان (مزگەوتی گومەزی ئاڵتونیی نوێ) بڕووخێنێت.
مزگەوتەكە دەكەوێتە باشووری خۆرئاوای قودس، پاساوی ئیسرائیل بۆ بڕیاری ڕووخاندنی ئەوەیە كە “مۆڵەتی دروستكردن”ی پێنەدراوە و لە كاتی نۆژەنكردنەوەیدا گۆڕانكاری لە مزگەوتەكەدا كراوە، لەكاتێكدا نۆژەنكردنەوەكە ساڵانی 2017 و 2018 ئەنجامدراوە.
سەرباری فشارەكان، شارەوانیی حكومەتی ئیسرائیل لە قودس داوایەكی ئاراستەی دادگای شارەكە كردووە و داوایكردووە مزگەوتەكە بڕووخێندرێت كە گومەزی ئاڵتونیی هەیە و هاوشێوەی مزگەوتە بەناوبانگەكەی قودسە، وەك ڕۆژنامەی یەدیعۆت ئەحرونۆت بڵاویكردەوە.
مزگەوتی گومەزی ئاڵتونی یەكێكە لەو چوار مزگەوتەی گەڕەكەكانی باشووری قودس، مسوڵمانان تەنها ئەو چوار پەرستگایەیان لەو ناوچانەدا هەن.
بڕیاری ڕووخاندنی لەلایەن ئیسرائیلەوە كە هێشتا جێبەجێنەكراوە، لەلایەن دوو كۆمەڵەی ئیسرائیلییەوە كە پشتیوانیی هەڵمەتەكانی نیشتەجێكردنی جووەكان لەو ناوچانەدا دەكەن پێشوازی لێكراوە.
