پرۆفیسۆر مارف عومەر گوڵ كۆچی دوایی كرد

پرۆفیسۆر دكتۆر مارف عومەر گوڵ

پرۆفیسۆر دكتۆر مارف عومەر گوڵ، نووسەر و مامۆستای زانكۆ، كۆچی دوایی كرد، ‏ماوەیەك لەمەوپێش جەڵتەی مێشك لێیدابوو.‏

پێش نیوەڕۆی ئەمڕۆ كۆچی دوایی پرۆفیسۆر دكتۆر مارف عومەر گوڵ لە نەخۆشخانەی ‏ئەنوەر شێخە لە سلێمانی ڕاگەیەنرا، دوای ئەوەی ماوەیەك لەمەوبەر جەڵتەی مێشك ‏لێیدابوو و كاریگەریی لەسەر تەندروستیی هەبوو.‏

بڕیارە ئەمڕۆ تەرمەكەی بگەڕێندرێتەوە بۆ سەنگاو و لەوێ بەخاكبسپێردرێت.‏

د. مارف عومەر گول یەکەمین ئەکادیمیستی کوردە، بە گۆشەنیگایەکی ئەکادیمییەوە، ‏توێژینەوەی لەسەر جینۆساید و جینۆسایدی کورد نووسیووە و لەو بوارەشدا خاوەنی ‏چەندین توێژینەوە و کتێبی دانسقەیە. ‏

ماوەیەک ڕاگری کۆلیژی یاسای زانکۆی سلێمانی بووە، هەروەها لێپرسراوی لیژنەی ‏بەرزکردنەوەی بڕوانامەی زانستی بووە لە کۆلیژی یاسا و ڕامیاریی زانکۆی کەرکوک. ‏

سەرپەرشتیی دەیان نامەی ماستەر و دکتۆرای كردووە لە زانکۆکانی هەرێمی كوردستان.‏

د. مارف خاوەنی چەندین شیعر و شیعری لیریک و گۆرانییە، زۆرێك لە شیعرەكانی ‏لەلایەن هونەرمەندانی گۆرانیبێژەوە كراونەتە گۆرانی.‏

مارف عومەر گوڵ، ساڵی 1956 لە گوندی هەشەزینی ناوچەی سەنگاوی قەزای ‏چەمچەماڵ لەدایکبووە.‏

بابەتی پێشتر

زەبێست.. كێ دەبێتە براوە و كێ شایستەیە؟

بابەتی دواتر

زانایان هەڵمی ئاویان لەسەر هەسارەیەك دۆزییەوە

بابەتی پەیوەندیدار
Total
0
Share