ویلایەتی نیڤادا زیاد لە هەر ویلایەتێكی دیكە لە ئێستادا چاوی دیموكراتخوازەكانی ئەمریكای لەسەرە، چونكە تەنها یەكلاكردنەوە و بە دەستهێنانی دەنگی ئەو ویلایەتە كە شەش كۆمەڵەی هەڵبژاردنە، بەسە بۆ ئەوەی بایدن ببێت بە سەرۆك.
جیاكردنەوەی دەنگەكانی ویلایەتی نیڤادا بەردەوامی هەیە، تا بڵاوكردنەوەی ئەم هەواڵە 75%ی دەنگەكانی ئەو ویلایەتە جیاكراونەتەوە و دەرئەنجامەكەی تا ئێستا لە بەرژوەندی بایدن-دایە (بایدن 49.3% و ترەمپ 48.7%)ی دەنگە جیاكراوەكانیان بەدەستهێناوە.
جیاوازی دەنگی نێوان هەردوو كاندیدە سەرسەختەكەی سەرۆكایەتیی ئەمریكا لە نیڤادا كە خاوەنی تەنها شەش كۆمەڵەی هەڵبژاردنە لەئێستادا كەمترە لە 8 هەزار دەنگ.
بەگوێرەی ئەنجامە بەراییەكان تا ئێستا، جۆ بایدن كاندیدی كۆرمارییەكان 264 دەنگی كۆمەڵەی هەڵبژاردنەكانی بەدەستهێناوە و لەبەرامبەردا ترەمپ كاندیدی كۆمارییەكان 214 دەنگی هەیە، بۆ بوون بە سەرۆكیش پێویستە 270 دەنگ مسۆگەر بكرێت.
