لەبەردەم کۆلێژی یاسای زانکۆی ئەنقەرە 30 تورک هێرشیانکردووەتەسەر سێ گەنجی کورد، ژمارەیەک لەوانەی بەتۆمەتی هێرشەکە دەستگیرکرابوون ئازادکراون.
بەپێی ئاژانسی میزۆپۆتامیا، دوو كەس لەو 30 کەسەی هێرشەکەیان ئەنجامداوە، دەستگیرکراون بەڵام دواتر بە فەرمانی دادوەر ئازادکراون بەبێ سزادان.
ئاماژە بەوەشکراوە کسا کۆک و فاتیح تەمەل ئەو دوو کەسەن کە دەستگیرکراون بەتۆمەتی هێرشکردنەسەر ئەو سێ کوردە بە چەقۆ، بەڵام دواتر بەبڕیاری داواکاری گشتی ئازادکراون، جگە لەوەی هیچ ڕوونکردنەوەیەك لەبارەی دەستگیرکردنی 28 کەسەکەی دیکەوە نەدراوە.
سەرەڕای ئەوەش ئەو سێ گەنجەی هێرشەکەیان کراوەتەسەر تائێستا لە بنکەی پۆلیس ڕاگیراون.
