شانده‌ هاوبه‌شه‌كه‌ى پارتى و یه‌كێتى له‌گه‌ڵ عه‌ممار حه‌كیم كۆبوونه‌وه‌

شاندی هاوبه‌شی یه‌كێتی و پارتی له‌ به‌غداد لەگەڵ عەمار حەکیم سه‌رۆكى ڕه‌وتى حیكمه‌ کۆبوونەوە.

ئێوارەی ئەمڕۆ شەممە شاندی هاوبه‌شی یه‌كێتیی نیشتمانیی كوردستان و پارتی دیموكراتی كوردستان له‌گه‌ڵ عه‌ممار حه‌كیم سه‌رۆكى ڕه‌وتى حیكمه‌ كۆبوونه‌وه‌ و پێكهێنانى حكومه‌تى داهاتوو و هه‌ماهه‌نگى هه‌ردوولایان تاوتوێكرد.

له‌ كۆبوونه‌وه‌ى نێوان هه‌ردوولادا پێكهێنانى حكومه‌تى داهاتوو هه‌روه‌ها به‌شداریی كورد له‌و حكومه‌ته‌دا تاوتێكران.

سه‌ردانه‌كانی شاندی هاوبه‌شی یه‌كێتی و پارتی له‌به‌غداد بۆ لای لایه‌نه‌ عیراقییه‌كان له‌ چێوه‌ی گفتوگۆكردنی پێكهێنانی حكومه‌تی نوێی عێراقه‌ و پێشتریش لەگەڵ بەشێک لە لایەنە سونە و شیعەکان کۆبوونەتەوە.