تەندروستیی جیهانی هۆکارەکانی بڵاوبوونەوەی زۆری ئۆمیکرۆنی ئاشکراکرد

ڕێکخراوی تەندروستیی جیهانی سەبارەت بە بڵاوبوونەوەی ڕۆژانەی زۆری گۆڕاوی ‏ئۆمیکرۆن لەجیهاندا ڕایگەیاند، سەرجەم ڕێکارە خۆپارێزییەکان بەشێوەیەکی توندوتۆڵ ‏دەبێتەهۆی ڕێگریکردن لە بڵاوبوونەوەی ڤایرۆسەکە، لەگەڵ ئەوەشدا دەبێت ئەوانەی ‏دەچنە شوێنە داخراوەکانەوە، بۆماوەیەکی زۆر نەمێننەوە.‏

ڕێکخراوی تەندروستیی جیهانی ژمارەیەک هۆکاری پشت بڵاوبوونەوەی زۆری ‏گۆڕاوەکەی ئاشکراکردووە، لەوانەش زۆریی ژمارەی ئەو شریتانەی گۆڕاوەکە ‏هەڵیگرتووە و بەریەککەوتنی کۆمەڵایەتی بەبێ خۆپارێزی.‏

ماریا ڤان کیرکۆڤ، بەڕێوەبەری هونەری لە ڕێکخراوی تەندروستیی جیهانی ڕایگەیاند، ‏ژمارەیەک هۆکار لەپشت بڵاوبوونەوەی زۆر و خێرای گۆڕاوی ئۆمیکرۆنەوەن یەکێکیان ‏ئەو ژمارە زۆرەیە لە شریتە پێکهێنەرەکانی گۆڕاوەکە کەبەئاسانی دەتوانێت دەستبەسەر ‏خانەکانی جەستەی مرۆڤدا بگرێت.‏

ئاماژەی بەوەشکردووە، گۆڕاوەکە دەکرێت دووبارە ئەو کەسانەی پێشتر تووشی کۆرۆنا و ‏گۆڕاوەکانی دیکە بوون، تووشی پەتاکە بکات، تەنانەت ئەوانەشی کە ڤاکسینیان ‏وەرگرتووە.‏

بەرپرسەکەی تەندروستیی جیهانی باسلەوەدەکات، یەکێکی دیکە لە هۆکارەکان ‏بڵاوبوونەوە و زۆربوونی خێرای گۆڕاوەکەیە لە کۆئەندامی هەناسەدا، ئەمە یەکێکە لە ‏جیاکەرەوەکانی ئۆمیکرۆن لە گۆڕاوی دەلتا و جۆرەکانی دیکەش.‏

لەگەڵ ئەوەشدا جەختیکردووەتەوە، سەرەڕای هەموو هۆکارەکان، بڵاوبوونەوەی خێرا و ‏زۆری گۆراوی ئۆمیکرۆن پەیوەندیدارە بە تێکەڵیی زۆری کۆمەڵایەتی، مانەوە بۆ ‏ماوەیەکی زۆر لە شوێنە داخراوەکاندا، هەروەها پابەندنەبوون بە ڕێکارەکانی دیکەی ‏خۆپارێزی.‏

لەهەفتەی رابردوودا ڕێکخراوی تەندروستیی جیهانی تووشبوونی 9.5 ملیۆن کەسی بە ‏کۆرنا لە جیهاندا ڕاگەیاند. کە ئەمەش بەراورد بە هەفتەی پێشووتری بەڕێژەی 71% ‏زیاتربووە.‏

بابەتی پێشتر

بەریتانیا پلانی سەربازیی بۆ ئەگەری داگیركردنی ئۆكرانیا ئامادەكردووە

بابەتی دواتر

هێلكە.. لەبەر ئەم هۆكارانەیە كە پێویستە لە سیستمە خۆراكییەكەتدا بێت!

بابەتی پەیوەندیدار
Total
22
Share