ئێوارەی ئەمڕۆ هەینی فڕۆکە جەنگییەکانی تورکیا بناری قەندیل و زنجیرە چیای ئاسۆسیان بۆردومانکرد، بەپێی زانیارییەکان هیچ زیانێکی گیانی نەبووە.
پەیامنێری تۆڕی میدیایی ئێستا گواستییەوە، فڕۆکە جەنگییەکانی تورکیا زنجیرە چیای ئاسۆس-یان لە سنووری گوندی کانی توو(کوڕ کوڕ) و لە بناری قەندیلیش گوندی زارگەڵی-یان بۆردومانکرد.
بەپێی زانیارییەکانی تۆڕی میدیایی ئێستا، تائێستا فڕۆکەکانی تورکیا بەردەوامن لە سووڕانەوە بەسەر ناوچەکەدا، بەڵام بۆردومانەکان هیچ زیانێکی گیانییان نەبووە.
بۆردومانەکان ترس و دڵەڕاوکێیان لای خەڵکی ناوچەکە بڵاوکردووەتەوە و بەهۆی ترسی خەڵکی ناوچەکە، کێشە لە ڕێگەی کورتەک دروستبووە کە ئیدارەی ڕاپەڕین و ئیدارەی سۆران بەیەكەوە دەبەستێتەوە و هاوڵاتییان ناتوانن هاتوچۆ بەو ڕێگەیەدا بکەن.
