وه‌زیری ته‌ندروستیی هه‌رێم ئاشكرایده‌كات، پێنج حاڵه‌تى تووشبوون به گۆڕاوى ئۆمیكرۆن له دهۆك تۆماركران.
سامان به‌رزنجى، وه‌زیری ته‌ندروستیی هه‌رێم، له كۆنگره‌یه‌كى ڕۆژنامه‌وانیدا ڕایگه‌یاند، پێنج ئه‌ندامى خێزانێكى دانیشتووى دهۆك تووشى گۆڕاوى ئۆمیكرۆن بوون.
لەبارەی هۆكاری تووشبوونەكەوە، وەزیری تەندروستی وتی، ئه‌ندامێكى خێزانه‌كه له ده‌ره‌وه‌ى وڵات گه‌ڕاوه‌ته‌وه و تووشبووى ڤایرۆسه‌كه بووه، به‌هۆیه‌وه چوار ئه‌ندامى دیكه‌ى خێزانه‌كه‌ى ڤایرۆسه‌كه‌یان بۆ گواستراوه‌ته‌وه و تووشی گۆڕاوى ئۆمیكرۆن بوون.
پێشتر سامان بەرزنجی، وەزیری تەندروستیی حکومەتی هەرێم لە چاوپێکەوتنێکدا لەگەڵ فەرمانگەی میدیا و زانیاریی ڕایگەیاندبوو، “مه‌حاڵ نییه ئۆمیکرۆن بگاته نێو كۆمه‌ڵگه‌ی ئێمه‌ش و پێشبینییه‌كانیش زۆر نزیكن له‌وه‌ی ئه‌م ڤایرۆسه لە هه‌رێمی كوردستان بڵاوببێته‌وه، چونكه ئێمه ئه‌زموونی پێشووترمان هه‌یه له‌سه‌ر ئه‌م بابه‌تانه”.
وه‌زیری ته‌ندروستى باسی له‌وه‌شكردبوو، تا ئێستا دوو ملیۆن و820 هەزار و 509 ژە‌مە ڤاكسین گه‌یشتوونه‌تە هه‌رێمی كوردستان، لەم ژمارەیەش ملیۆنێک و 812 هەزار و 612 ژەم به‌كارهاتوون، واتا 70%ی ڤاكسینی به‌رده‌ست به‌كارهاتووه و 926 هەزار و 721 ژەم به هه‌رسێ جۆریه‌وه له سه‌نته‌ره‌كان به‌رده‌سته.
ڕوونیشیكردووه‌ته‌وه، ئەو مێردمنداڵانەى لە سه‌روو 12 ساڵین، 25%یان ژە‌می یه‌كه‌میان وه‌رگرتووه و 19%شیان ژە‌می دووه‌میان وه‌رگرتووه.
