تەندروستیی هەولێر بڕیاریدا لە مانگى داهاتووه‌وه هه‌ركه‌سێك خۆی ڤاكسین نه‌كردبێت یان پشكنینی هەفتانەی (PCR)ی نەبێت ڕێگه‌ى پێنه‌دات سەردانی دەزگاكانی تەندروستی بكات.
له ڕاگه‌یه‌ندراوێكدا بەڕێوەبەرایەتیی گشتی تەندروستیی هەولێر ڕایگه‌یاندووه، “لەبەر بەرژەوەندی گشتی و پاراستنی گیانی هاوڵاتییان، ئاگاداری دەستەی كارگێڕی دەزگاكانی تەندروستی دەكەینەوە هەر فەرمانبەرێك یاخود هاوڵاتییەك لە ڕێكه‌وتى 1/2/2022-ه‌وه خۆی ڤاكسین نه‌كردبێت یان پشكنینی هەفتانەی (PCR)ی نەبێت، ناتوانن سەردانی سەرجەم دەزگاكانی تەندروستی سەر بە بەڕێوەبەرایەتیمان بكەن”.
ته‌ندروستیی هه‌ولێر ڕوونیشیكردووه‌ته‌وه، بڕیارەكه حاڵەتەكانی سەردانیكردنى هاوڵاتییان بۆ فریاكەوتنەكان ناگرێتەوە.
ئه‌وه‌ش دواى ئه‌وه‌دێت، پێشتر وه‌زاره‌تى داد بڕیاریدابوو كه هه‌رفه‌رمانبه‌رێك خۆی ڤاكسین نه‌كردبێت ڕێگه‌ى پێنه‌دات بچێته سه‌ركاره‌كه‌ى.
