وەزارەتی دارایی: سیستمێكی تۆماركردنی زانیاری بۆ خانەنشینان دروستكرا

لە هەنگاوێكی نوێدا وەزارەتی دارایی هەرێم بڕیاریدا بە “دروستكردنی سیستەمێكی تۆماركردنی سەرجەم زانیارییەكان بۆ خانەنشینانی هەرێمی كوردستان”.

لە ڕاگەیەندراوێكدا وەزارەتی دارایی و ئابوریی هەرێمی كوردستان ڕایگەیاندووە، “ئەمڕۆ دووشەممە ڕێككەوتی 9ی تشرینی دووەم، بە ئاراستەی ئەنجامدانی چاكسازی لە دیوانی وەزارەتی دارایی و ئابوری بە ئامادەبوونی بریكاری وەزارەتی پلاندانان و هەردوو ڕێكخراوی (UNDP) و (USAID) لەگەڵ بەڕێوبەرایەتیی گشتیی خانەنشینی، بە مەبەستی دروستكردنی سیستمێكی تۆماركردنی سەرجەم زانیارییەكان بۆ خانەنشینانی هەرێمی كوردستان كۆبوونەوە”.

لە كۆبوونەوەكەدا پوختەی سیستمەكە بۆ وەزیری دارایی و ئابوری خراوەتەڕوو، كە “سیستمێكی زانیاریی پێشكەوتووە بۆ بەڕێوبەرایەتیی گشتیی خانەنشینیی هەرێمی كوردستان”.

بەگوێرەی ڕاگەیەندراوەكەی وەزارەتی دارایی، ئاوات شیخ جەناب، وەزیری دارایی و ئابوری ڕایگەیاندووە، “بەپێی توانا هاوكاریی تەواو بۆ پێشخستن و بەردەوامی ئەو سیستمە دەدات”.

ئاماژە بەوەشكراوە، سیستمەكە چەند گرنگییەكی بەرچاوی هەیە لەوانەش (نەهێشتنی خانەنشینیی دووبارە، دیاریكردنی بڕی شایستەی خانەنشینی و پاراستنی دۆسییەكان) لەهەمانكاتدا ڕۆتین كەمدەبێتەوە و مامەڵەكانی خانەنشینی خێراتر دەبێت”.

بابەتی پێشتر

ڕوسیا.. سەربازێك لە فڕۆكەخانەیەكدا سێ كەسی ‘كوشت’

بابەتی دواتر

خوێندنی باڵا بەشێك لە ڕێكارەكانی مامەڵەی وەرگرتنی خوێندكارانی تازەوەرگیراوی هەڵگرت

بابەتی پەیوەندیدار
زیاتر ببینە

نرخی دۆلار جێگیرە

نرخی دراوە بیانییەكان بۆ ئەمڕۆ پێنجشەممە 28ی کانونی دووەم، لە بازاڕەكانی هەرێم بڵاوکرایەوە، تا کاتی ئامادەکردنی ئەم هەواڵە…
Total
0
Share