بڕیارە ئەمڕۆ، موقتهدا سهدر و سەركردەكانی چێوهى ههماههنگیی شیعهكان لە حەنانەی نەجەف، یەكەم گفتوگۆی پێكهێنانی حكومەتی نوێی عێراق بكهن.
سالم عهبادى، سهركرده له چێوهى ههماههنگیی شیعهكان به میدیا عێراقییهكانى وتووه، ئهمڕۆ چوارشهممه شاندێكى چێوهى ههماههنگیی شیعهكان به سهرۆكایهتیی هادى عامری، سهردانى نهجهف دهكهن و له حهنانه لهگهڵ موقتهدا سهدر ڕێبهرى ڕهوتى سهدر، گفتوگۆی تایبەت بە پێكهێنانی حكومەتی نوێی عێراق ئهنجام دهدهن.
سهردانهكهى عامری و سەركردەكانی دیكەی چێوەكەشی بە هەوڵ بۆ كردنهوهى گرێكوێرهكان و هێنانەئارای پێشكەوتن لە پرۆسەی پێكهێنانی حكومەت وەسفكردووە.
سەركردەكەی چێوەی هەماهەنگی ئاشكراشیكردووە، “له ئێستادا چێوهكە 90 كورسیی پهرلهمانیی ههیه و تواناى پێكهێنانى گهورهترین كوتلهى پهرلهمانى و پێكهێنانى حكومهتێكى هاوبهشی بههێزى ههیه، كه خواستى گهلی لهسهر بێت”.
جگە لە كۆبوونەوە و گفتوگۆی نێوان شیعەكان، سەركردەكەی چێوەی هەماهەنگی وتیشی، ”لهگهڵ كورد و سوننهكانیش لێكتێگهیشتنیان ههیه بۆ پێكهێنانى حكومهت و گهورهترین كوتلهى پهرلهمانى”.
