نرخی نەوت بۆ شەشەم ڕۆژی لەسەریەک بەردەوامە لەبەرزبوونەوە و ئەمڕۆ نرخەکەی بۆ سەروو 79 دۆلار بەرزبووەوە.
بەرزبوونەوەی نرخەكە دەگەڕێتەوە بۆ پاڵپشتیکردنی نرخی نەوت لەلایەن وڵاتانی بەرهەمهێنەر و کەمبوونەوەی یەدەگی نەوتی ئەمریکا لەم هەفتەیەدا.
ئەمڕۆ چوارشەممە نرخی بەرمیلێک نەوتی برێنت لەگەڵ کردنەوەی بازاڕدا بە 79 دۆلار و 23 سەنت مامەڵەی پێوەکرا و بەڕێژەی 0.3% و بڕی 23 سەنت نرخەکەی بەرزبووەوە.
هەروەها نرخی بەرمیلێک نەوتی خاوی تەکساس گەیشتە 76 دۆلار و 19 سەنت و بەڕێژەی 0.3% و بڕی 21 سەنت نرخەکەی بەرزبووەوە.
بەم بەرزبوونەوەیە، نرخی نەوت بەرزترین ئاستی لەم مانگەدا تۆماركرد.
