بەڕێوبەرایەتی پۆلیسی هەولێر ئاشکرایکرد، زانیارییان هەبووە کە دوو تۆمەتباری هەڵکوتانە سەر کافتریاکەی عەنکاوە لە هەولێر لە سلێمانین و بۆیە پۆلیسی سلێمانی دوو تۆمەتبارەکەی دەستگیرکردووە.
لە ڕاگەیەنراوێکدا پۆلیسی هەولێر ئەمڕۆ 3ی تشرینی یەکەم ئاشکرایکرد، زانیماندا بە پۆلیسی نەھێشتنی تاوانی سلێمانی کە ئەو دوو تۆمەتبارانە لە نێو ئۆتۆمبێلێکی جۆری (کیا سپۆرتاج)ن لە پیشانگاکانی ئۆتۆمبێل بەناوی پیشانگای (شەبەح)لەسەر رێگای تاسلوجە خەوتبوون،و لەسەر زانیاریەکانی بەرێوەبەرایەتی پۆلیسی پارێزگای ھەولێر پۆلیسی نەھێشتنی تاوانی سلێمانی ھەردوو تۆمەتباران بە ناوەکانی (ياسين تحسين)و(محمود كامران)دەستگیر کرد”.
پۆلیسی هەولێر ڕایگەیاندووە، “ھێزەکانی پۆلیسی ھەولێر تۆمەتبارەکانیان گواستەوە بۆ شاری ھەولێر و رووبەرووی دادگا کرانەوە، لێرەوە سوپاسی بەرێوەبەرایەتی پۆلیسی پارێزگای سلێمانی و پۆلیسی بەشی نەھێشتنی تاوانی سلێمانی دەکەین بۆ ھەماھەنگیەکانیان”.
مانگی رابردوو گرتە ڤیدیۆیەک لە تۆڕی کۆمەڵایەتی فەیسبووک بڵاوکرایەوە کە دەردەکەوێت چوار کەس هەڵدەکوتنە سەر کافتریایەک لە ناحییەی عەنکاوە.
دوو ڕۆژ دوای ئەو ڕوداوە پۆلیسی هەولێر ئاشکرایکرد کە دوو تۆمەتباری ڕوداوەکە دەستگیرکراون و دووانی دیکەیان خۆیان شاردووەتەوە.
