نوێترین پەرەسەندنی دۆخی كامپی مەخمور دوای هەوڵی تەلبەندكردنی لەلایەن سوپای عێراقەوە

هاوسەرۆکی “ئەنجومەنی گەلی مەخمور” ڕایگەیاند، لەگەڵ بەرپرسانی عێراق کۆبوونەتەوە و تەلبەندکردنی دەوروبەری کامپەکەیان ڕەتکردووەتەوە و ئێستا دۆخەكە ئاساییبووەتەوە.

ئەمڕۆ دووشەممە هێزێكی سەر فیرقەی 14ی سوپای عێراق، هەوڵیدا چواردەوری كامپی ئاوارەكانی مەخمور تەلبەندبكات، دانیشتووانی كامپەكە ڕووبەڕووی هێزەكە بوونەوە و ڕێگرییانكرد لەو هەوڵە.

دواتر دانیشتووانی كامپی مەخمور بە ڕێپێوان و خۆپیشاندان بەرەو بازگەی هێزە عێراقییەكان لە ناوچەكە بەڕێكەوتن، یەكێك لە دانیشتووانی كامپەكە قسەی بۆ تۆڕی میدیایی ئێستا كرد و وتی، هەوڵێكی لەو جۆرە دووبارە كردنی كامپەكەیە بە زیندان، بۆیە ڕێگە بەو هەوڵە نادەن.

لە نوێترین پەرەسەندنی ڕووداوەكەدا، حاجی کاچان هاوسەرۆكی “ئەنجومەنی گەلی مەخمور” ڕایگەیاند، لەگەڵ هێزەكانی عێراقدا کۆبوونەتەوە و نیگەرانیی دانیشتووانی کامپەکەیان گەیاندووە بە بەرپرسانی عێراق و پێیانڕاگەیاندوون كە بەهیچ شێوەیەک قبوڵیناکەن دەوروبەری کامپەکە تەلبەندبکرێت.

کاچان لە كۆنگرەیەكی ڕۆژنامەوانیدا جەختیكردەوە، “ئێمە هیچکات دەستوور و یاساکانی عێراقمان پێشێلنەکردووە و هەمیشە پێیانەوە پابەندبووین، شاندەکەی عێراقیش پێیانوتین کە ئەوان بڕیاری سەربەخۆیان نەداوە، بەڵکو لە بەغدادەوە بڕیار دەرکراوە و هەوڵدەدەین لەگەڵ بەرپرسانی باڵا کۆبوونەوەتان بۆ ڕێکبخەین”.

هاوسەرۆکی “ئەنجومەنی گەلی مەخمور” وتیشی، “دوای کۆبوونەوەی شاندەکەی کامپی مەخمور لەگەڵ هێزەکانی عێراقدا، ئێستا دۆخی کامپەکە ئاساییبووەتەوە”.

بابەتی پێشتر

فەتح بڕیاری دادگای لەبارەی ئەنجامەكانی هەڵبژاردنەوە قبوڵكرد

بابەتی دواتر

توێژەران: کۆرۆنا لە مێشک و ئەندامەکانی تری جەستەدا بۆ چەند مانگێک دەمێنێتەوە

بابەتی پەیوەندیدار
Total
14
Share