تیمی پزیشكیی یانەی بەرشلۆنە ئاشكرایكرد، بۆ ساڵی نوێ، چوار یاریزانی پێكراویان دەگەڕێنەوە بۆ یاریكردن.
ئەو چوار یاریزانە بریتین لە، برایسوایت، دیپای، ئانسو فاتی و پێدری.
هەرچوار یاریزانەكە لە قۆناغی كۆتایی چارەسەری پێكانەكانیانن و دۆخی خراپیان تێپەڕاندووە.
ڕۆژنامەی موندۆ دەڵێت، تەنها مەترسی لەسەر یاریكردنی برایسوایت هەیە و لە چاو سێ یاریزانەكەی دیكە پێكانەكەی قورستر بووە.
لەماوەی ڕابردوودا یانەی بەرشلۆنە لە هەرچوار هێرشبەرەكەی، كە برایسوایت، ئەگوێرۆ، دیپای و ئانسو فاتین، بێبەشبوو.
ئەگوێرۆ بەهۆی نەخۆشیی دڵەوە وازی لە یاریكردن هێنا، سیانەكەی دیكەش پێكانیان هەبوو.
