له‌ فڕۆكەخانەى سلێمانى حەوت كەس بە شنگنی ساختەوە دەستگیركران

فڕۆكه‌خانه‌ى سلێمانى دەڵێت، حەوت ڤیزای شنگنی ساختەیان ئاشكراكردووه‌، كە ‏خاوەنەكانیان دەیانویست لەڕێگای ترانزێتەوە بگەنە وڵاتی ئەڵمانیا.‏

فڕۆكه‌خانه‌كه‌ له‌ ڕاگه‌یه‌ندراوێكدا ئاماژه‌ى به‌وه‌كردووه‌، “بنكەی نشینگەی فڕۆكەخانە، ‏حەوت ڤیزای شنگنی ساختەیان ئاشكرا كرد، كە خاوەنەكانیان دەیانویست لەڕێگای ‏ترانزێتەوە بگەنە وڵاتی ئەڵمانیا”.‏

ڕوونیشیكردووه‌ته‌وه‌، فه‌رمانبه‌رانیان لە ڕۆژی (20/12/2021) لە گەشتی (سلێمانی- ‏بەیروت) توانیویانه‌ حەوت گەشتیار دەستگیربكەن، كە پێنج كەسیان هەڵگری پاسپۆرتی ‏عێراقی بوون و دووانەكەی دیكەشیان هەڵگری ڕەگەزنامەی ئێرانی بوون، هەستابوون بە ‏ساختەكردنی حەوت ڤیزای شنگنی وڵاتی ئەڵمانیا، دەیانویست بەهۆیەوە لە ڕێگای ‏بەیروتەوە گەشت بۆ وڵاتی ئەڵمانیا بكەن.‏

هه‌ر به‌پێی ڕاگه‌یه‌ندراوه‌كه‌، دوای ئاشكراكردنی ساختەكەرییەكەیان، هەر حەوت ‏گەشتیارەكە ڕادەستی بنكەی پۆلیسی فڕۆكەخانە كران و پەڕاوی لێكۆڵینەوەیان بۆ ‏كراوەتەوە.‏

فڕۆكه‌خانه‌ى سلێمانى ئاشكراشیكردووه‌، ئەفسەران و كارمەندانی بنكەی نشنیگەی ‏فڕۆكەخانە، لە ماوەكانی ڕابردوودا چەندینجار بەڵگەنامەی گەشتكردنی ساختەیان ‏ئاشكراكردووە و خاوەنەكانیان ڕووبەڕووی یاسا كردووەتەوە.‏

بابەتی پێشتر

بەرهەمەكانی ڕۆژئاوای كوردستان فێستیڤاڵی فیلمی سلێمانی بایكۆت دەكەن

بابەتی دواتر

ئیلۆن مه‌سك ئه‌مساڵ 11 ملیار دۆلار باج ده‌دات ‏

بابەتی پەیوەندیدار
Total
0
Share