(ڤیدیۆ) کلاسیکۆی ئه‌ڵمانیا لوتکه‌ی بوندس لیگای به‌خشییه‌ بایرن میونشن

ئه‌مشه‌و، شه‌ممه‌ له‌ یاریگای سیگناڵ ئیدونا پارک یانه‌ی بوروسیا دۆرتمۆند میوانداری یانه‌ی بایرن میونشنی کرد، باڤارییه‌کان توانیان له‌ ڕووه‌کانی هونه‌ری و تاکتیکی و تاکه‌ که‌سییه‌وه‌ ئاستێکی به‌رزتر له‌ یانه‌ی خانه‌خوێ تۆماربکه‌ن و به‌ ئه‌نجامی سێ گۆڵ به‌رانبه‌ر به‌ دوو بردنه‌وه‌یه‌کی گرنگیان تۆمارکرد.

گۆله‌کانی بایرن له‌ خوله‌که‌کانی 45 و 48 و 80 له‌لایه‌ن داڤید ئالابا، ڕۆبێرت لیڤاندۆڤیسکی، لیرۆی سانێ تۆمارکران، گۆڵه‌کانی ڤیستیڤالینیش له‌ خوله‌که‌کانی 45 و 83 به‌ پێیه‌کانی مارکۆ ڕۆیس و ئێرلینگ هالاند‌ تۆمارکران.

به‌پێی ئه‌نجامه‌ تۆمارکراوه‌که‌ی ئه‌مشه‌وی کلاسیکۆی ئه‌ڵمانیا، یانه‌ی بایرن میونشن به‌ کۆکردنه‌وه‌ی 18 خاڵ هاوبه‌شی له‌گه‌ڵ یانه‌ زه‌رده‌که‌ هه‌ڵوه‌شانده‌وه‌ و له‌ پله‌ی دووه‌مه‌وه‌ به‌سه‌ر یانه‌ی لایپزیش بازیدا و بۆ لوتکه‌ی ڕیزبه‌ندی یانه‌کانی بۆندس لیگا هه‌ڵکشا، له‌ به‌رانبه‌ردا بوروسیا دۆرتمۆند به‌ 15 خاڵ و جیاوازی یه‌ک خاڵ به‌رانبه‌ر لایپزیش (پله‌ی دووه‌م) له‌ پله‌ی سێیه‌مدا جێگیربوو.