بنکەی سەربازیی ئەمریکا لە کێڵگەی نەوتی عومەر لە دەوروبەری دێرەزور، بەچەند موشەکێک کرایە ئامانج و زیانەکانی ئاشکرانەکراوە.
ئاژانسی هەواڵی فەرمیی سوریا بڵاویکردەوە، بنکەی سەربازیی ئەمریکا لە کێڵگەی نەوتی عومەر کە گەورەترین کێڵگەی نەوتییە لەسوریا لەدەوروبەری دێرەزور بە ژمارەیەک مووشەک کراوەتە ئامانج و ئەنجامدەرانی هێرشەکە دیارنین.
ئاماژە بەوەکراوە، لە کێڵگەی عومەر لە دێرەزور دەنگی چوار تەقینەوە بیستراوە و دوکەڵ لەشوێنەکە بەرزبووەتەوە.
دوابەدوای تەقینەوەکان، ژمارەیەک لە فڕۆکە بێفڕۆکەوانەکانی ئەمریکا چاودێریی ناوچەکەیان کردووە بەمەبەستی ڕووپێویکردنی هێرشەکە.
لە مانگی تشرینی دووەمدا بنکە سەربازییەکانی ئەمریکا لەسنوورەکانی عێراق و سوریا ڕووبەڕووی ژمارەیەک هێرشبوونەوە و فەماندەی ناوەندیی سوپای ئەمریکاش لەناوچەکە ڕایگەیاند، کە ئەمریکا مافی بەرگریکردن لەخۆی هەیە و لەکات و شوێنی گونجاودا وەڵامی ئەو هێرشانە دەداتەوە.
