قائیمقامیەتی سلێمانی ڕێنمایی کردنەوەی مۆڵ و مارکێتەکانی ڕاگەیاند

قائیمقامیەتی سلێمانی، ڕێنمایی کردنەوە و کارکردنی مۆڵ و مارکێتەکانی ڕاگەیاند و دەبێت بە شەش مەرج ئەو شوێنانە کاریان تێدا بکرێت.

قائیمقامیەتی سلێمانی مەرجەکانی بەم شێوەیە ڕاگەیاندووە:

1- پێویسته‌ سه‌رجه‌م كارمه‌ندان و كرێكاران و ئه‌و هاوڵاتیانه‌ی رو له‌ شوێنه‌كه‌ ده‌كه‌ن ده‌مامك به‌كاربهێنن.

2- دانانی بابه‌ته‌كانی پاكژكه‌ره‌وه‌ (تعقیم) به‌بێ به‌كارهێنان رێگری بكرێت له‌ چونه‌ ژوره‌وه‌.

3- دانانی هه‌واكێش بۆ ئاڵوگۆڕكردنی هه‌وای شوێنه‌كه‌.

4- رێگری كردن له‌ دروستبونی قه‌ره‌باڵغی له‌ناو ماركێته‌كاندا.

5- پێویسته‌ كڕیاران به‌ژماره‌یه‌كی گونجاو بچنه‌ ناو ماركێته‌كانه‌وه، به‌پێی روبه‌ری گه‌وره‌ و بچوكی شوێنه‌كه‌.

6- پێویستە ماوەی نێوان هەركەسێك بۆ كەسێكی تر لە (2) مەتر كەمتر نەبێت.

بەپێی ڕاگەیەنراوێکی قائیمقامیەتی سلێمانی ئەمڕۆ ئاوات محەمەد، قائیمقامی سلێمانی و خاوەنی مۆڵ و مارکێتە گەورەکان کۆبوەتەوە و جەختکراوەتەوە لە تاکپارێزی تا ڕێگربێت لە تەشەنەسەندنی زیاتری ڤایرۆسەکە.

لەو کۆبوونەوەیەدا ڕاگەیەنراوە کە سلێمانی چوار مانگی سەختی لەبەرامبەر کۆرۆنادا لەپێشە و هاوڵاتییان پێویستە ئاگاداری تەندروستی خۆیان بن.

بابەتی پێشتر

سۆران.. لە دوو ڕوداوی هاتوچۆدا دوو كەس گیانیان لەدەستدا

بابەتی دواتر

ئەنجومەنی نوێنەران خوێندنەوەی دووەم بۆ پرۆژەیاسای قەرزكردن دەكات

بابەتی پەیوەندیدار
Total
0
Share