سەرۆك وەزیرانی ئیسرائیل سەردانی ئیمارات دەكات

نەفتالی بێنێت سەرۆك وەزیرانی ئیسرائیل، ئەمڕۆ یەكشەممە دەچێتە ئیمارات و بڕیارە سبەی لەگەڵ محەمەد بن زاید فەرمانڕەوای ئەبوزەبی-دا كۆببێتەوە.

نووسینگەی بێنێت بڵاویكردەوە، “ئەمڕۆ یەكشەممە نەفتالی بێنێت سەرۆك وەزیران بەڕێدەكەوێت بۆ ئیمارات و پێشبینیدەكرێت لەگەڵ شێخ محەمەد بن زاید فەرمانڕەوای ئەبوزەبی-دا كۆببێتەوە”.

لەدوای ئاساییبوونەوەی پەیوەندییەكانی نێوان ئیسرائیل و ئیمارات، سەردانەكەی سەرۆك وەزیرانی ئیسرائیل دەبێتە یەكەم سەردان لەو ئاستە باڵایەدا كە كاربەدەستێكی ئیسرائیلی بۆ وڵاتێكی عەرەبی ئەنجامیبدات.

لە مانگی ئەیلولی ساڵی ڕابردوودا ئیمارات و بەحرەین پێكەوە لەگەڵ ئیسرائیلدا ڕێككەوتن و ڕێككەوتننامەكە بە سەرپەرشتیی دۆناڵد ترەمپ سەرۆكی ئەوكاتەی ئەمریكا لە واشنتن واژووكرا.

دواتر و لە تشرینی یەكەمی هەمان ساڵدا سودان ڕێككەوتنی لەگەڵ ئیسرائیلدا ڕاگەیاند، بەدوای ئەویشدا مەغریب بووە چوارەم وڵاتی عەرەبی كە لە كۆتایی پارساڵدا لەگەڵ ئیسرائیلدا ڕێككەوت.

بابەتی پێشتر

لە ترسی خۆپیشاندان و هێرشكردن دەوامی فەرمانگە و دامەزراوەکانی شەنگال ڕاگیرا

بابەتی دواتر

پێنج یاریزانی پاریس سانجێرمان بەرامبەر مۆناكۆ یاریناكەن

بابەتی پەیوەندیدار
زیاتر ببینە

ئه‌مریكا: دانوستانه‌كانى ڕێككه‌وتنى ئه‌تۆمی دۆخه‌ بنه‌ڕه‌تییه‌كه‌ى نه‌گۆڕیوه‌‏

وته‌بێژى وه‌زاره‌تى ده‌ره‌وه‌ى ئه‌مریكا ڕایده‌گه‌یه‌نێت، له‌ دوایین هه‌فته‌كاندا چه‌ند ‏پێشكه‌وتنێك له‌ پرسی دانوستانەكانی ڕێككه‌وتننامه‌ى ئه‌تۆمیى ئێران هاته‌ ئاراوە،…
Total
0
Share