سەرۆكی لیژنەی پەروەردە و خوێندنی باڵای پەرلەمان، ئاشكرایکرد، بەو نزیکانە ناوی ئەو وەرگیراوانەی دیکە ئاشکرادەکرێت، کە بڕیار لەسەر وەرگیرانیان دراوە.
عەبدولسەلام دۆڵەمەڕی، سەرۆكی لیژنەی پەروەردە و خوێندنی باڵای پەرلەمان ڕایگەیاند، ” وێڕای دواکەوتنی ڕاگەیاندنی ناوی وەرگیراوانی زانکۆو پەیمانگا تایبەتەکان، بەدواداچوونی جددیمان کردووە و لە ئێستادا ھەموو ڕێکارەکان تەواو بووە ، بەڵام لە ھەندێ زانکۆ بەشی نوێ کراوەتەوە، بە تایبەت بەشە پزیشکییەکان، بۆیە بڕیار وایە لە زووترین کاتدا ھەموو بەشەکان بە یەکەوە ڕابگەیەندرێت”.
بەهۆی هاوکاریکردنی وەزارەتی خوێندنی باڵا بۆ دەرچوان و نیگەرانی دەرچوان لە شێوازی وەرگرتن ئەمساڵ وەرگرتنی خوێندکاران بە چەند قۆناغێک ڕاگەیەندرا، بەڵام تا ئێستا ناوی وەرگیراوانی زانکۆ و پەیمانگا تایبەتەکان ڕانەگەیەندراوە.
