زلاتان ئیبراهیمۆڤیچی هێرشبەری میلان دڵتەنگە بەوەی لە خولی یانە پاڵەوانەكانی ئەوروپا كراونەتە دەرەوە و بەڵێنیش دەدات بە بەدەستهێنانی ناسناوی خولی ئیتاڵیا، قەرەبوویبكەنەوە.
پاش كرانە دەرەوەیان لە چامپیۆنز، لیگ لە لێدوانێكیدا ئیبرا وتی: “تێدەكۆشین لەپێناو بەدەستهێنانی ناسناوی خولی ئیتاڵیا، هەموو شتێك پێشكەشدەكەین و كۆڵ نادەین.”
ئاماژەی بەوەشدا كە ئەوان هێشتا لە قۆناغی دروستبووندان و پێویستیان بە كاتە بۆ ئەوەی بتوانن ڕكابەریی ناسناوی چامپیۆنز لیگ بكەن.
ئیبراهیمۆڤیچ ئاشكراشیكرد پێشتر نزیكبووە لە ڕیزەكانی یانەی ناپۆلی ئیتاڵییەوە، بەڵام بەهۆی ڕۆیشتنی ئەنچیلۆتی ڕاهێنەرەوە، گرێبەستەكە هەڵوەشاوەتەوە.
