مستەفا كازمی سەردانی مەخمووری كرد، پێشمەرگە و هێزە عێراقییەكانی بەسەركردەوە، وەزیرانی ناوخۆ و پێشمەرگەی هەرێمی كوردستان یاوەرییان كرد.
دوای ئەوەی ئەمڕۆ مستەفا كازمی فەرماندەی گشتیی هێزە چەكدارەكانی عێراق بەسەردانێك گەیشتە هەولێر و لەگەڵ مەسرور بارزانی كۆبووەوە، دواتر سەردانی مەخمووری كرد.
لەسەردانەكەی كازمیدا، هەریەك لە ڕێبەر ئەحمەد وەزیری ناوخۆی هەرێم و شۆڕش ئیسماعیل وەزیری پێشمەرگە یاوەرییان دەكرد، جگە لەو شاندە فیدراڵییەی لە بەغدادەوە یاوەریی كازمییان كردبوو.
مستەفا كازمی لە مەخموور هێزەكانی پێشمەرگە و هەروەها هێزە سەربازی و ئەمنییەكانی عێراقی بەسەركردەوە.
سەردانەكە هاوكاتە لەگەڵ فراوانتربوونی هێرش و پەلامارەكانی داعش بۆسەر پێشمەرگە و سوپا و هێزە ئەمنییە عێراقییەكان لە ناوچە كێشەلەسەرەكان و ئەو ناوچانەی بۆشایی ئەمنییان تێدایە.
