تێڕوانینى بافڵ تاڵه‌بانى بۆ ڕێكخستنه‌وه‌ى یه‌كێتى و چاره‌سه‌ركردنى كێشه‌ى خوێندكاران

بافڵ جه‌لال تاڵه‌بانى تیڕوانینى نوێی خۆی بۆكارى ڕێكخراوه‌یی و ڕێكخستنه‌وه‌ى كایه‌ى حزبی په‌یڕه‌و ده‌كات كه‌ جیاوازتربێت له‌وه‌ى هه‌یه‌ و حزب ڕاستەوخۆ ده‌خاته‌ خزمەت چین و توێژەکانی کۆمەڵ و خوێندکاران و گەنجان و ئه‌و بۆشاییه‌كانى حكومه‌ت پڕبكاته‌وه‌.

بافڵ جەلال تاڵەبانی، له‌كۆبوونه‌وه‌ى له‌گه‌ڵ خوێندكارانى زانكۆ و په‌یمانگاكانى سنووری پارێزگاى سلێمانى و ئیداره‌ سه‌ربه‌خۆكاندا تێڕوانینی نوێی خستەڕوو بۆ کاری ڕێکخراوەیی جیاوازتر لەوەی ھەیە، کە تەنھا کارکردن بێت بۆ ڕێکخستنی کایەکانی حزب و تەنھا خزمەتکردنی کادری حزبی و ئاڕاستکردنی ئایدۆلۆژیایەک بێت لەپێناو ئامانجێک کە مەبەستداربێت.

خەون و دونیابینیی بافڵ جەلال تاڵەبانی گۆڕانکاریی ڕیشەییە لە چۆنێتی کاری رێکخراوەیی، ئەو دەیەوێت پەیوەندیی حزب و خەڵک لەسەر بنەمای متمانە و خزمەت بونیادبنرێتەوە، حزب لەخزمەتی خەڵک بێت و سیاسەت لەپێناو بەڕێوەبردنێکی دروستبێت کە کۆمەڵگا لەسەر بنەماکانی ژیاندۆستی بونیاد بنێت و ھەمووان وەکیەک بن لەبەرامبەر یاسادا، مافی ھاوڵاتیبوون بچەسپێنرێت و دەسەڵاتداریی حزبی و ھاوڵاتی یەک ئەرک و یەک مافیان ھەبێت.

ڕەوتی رێکخستنەوەی ژیانی یەکێتی لای بافڵ جەلال تاڵەبانی ڕیفۆرم و دەرچوونە لە شێوازێکی کلاسیکی حزبایەتی لەم ھەرێمە، ئەو پێیوایە ڕاست ‌و ڕەوا ڕێگا دروستەکە ئەوەیە بەیەک چاو، بە یەک دووری حزب لە ھاوڵاتی بە یار و نەیارەوە بڕوانێت.

ئەو ده‌یه‌وێت مۆدێلێکی نوێ په‌یڕوبكات کە ڕێکخراوی سیاسی وەک باسکی بەھێز، ڕاستەوخۆ لەخزمەت چین و توێژەکانی کۆمەڵ و خوێندکاران و گەنجان بێت و ئەو بۆشاییانە پڕبکاتەوە کە دەشێ بە حکومەت پڕنەکرێنەوە.

 

ئەم ھەوڵانەی بافڵ جەلال تاڵەبانی لەم ھەلومەرجەدا، خاوەندارێتی بوو لە ویست و داخوازیی خوێندکاران لەپێناو پەکنەکەوتنی پرۆسەی خوێندن و ڕێگرتن بوو لە داڕمانی خوێندن لە زانکۆ و پەیمانگاکانی ھەرێم، بەمەش یەکێتیی بردەوە لای خەڵک و ئەوان دەبنە خاوەنی یەکێتی و یەکێتیش دەبێتە خزمەتکاری کۆمەڵانی خەڵک.

ئەم بڕیار و خزمەتانەش لە چەند ڕۆژی داھاتوودا تەواوی زانکۆ پەیمانگاکانی کوردستان دەگرێتەوە و بەردەوامدەبێت و گفتەکان وەک خۆیان جێبەجێدەکرێن.

ئەم مۆدێلە حیزبیە کە ژیانی سیاسیی مەدەنی تەندروست دەکاتەوە دژە پۆپۆلیستییە و قۆناغی قسە تێدەپەڕێنێت و دەچێتە وێستگەی بەریەککەوتنی ڕاستەوخۆی نێوان کەسی یەکەمی حزبەکان لەگەڵ ھاوڵاتی، کە بافڵ جەلال تاڵەبانی ئەمەی لەگەڵ خوێندکاراندا خستە واری جێبەجێکردنەوە و بەم ھەنگاوە بوێرانەیە و ئاوڕدانەوەی خێرا و جێبەجێکردنی خواستی خوێندکاران و گوێگرتن لێیان، بەربەستەکانی نێوان سەرکردەکانی حزب و خەڵکی تێکشکاند و دەرگاکانی ئاوەڵاکرد، تا وەك نەریت ھەموو حزبەکان قۆڵی لێھەڵماڵن و بەکردەوە خزمەتکاری خەڵکی خۆیان بن و حزب بە توانا ماددی و مەعنەوییەکانی لەخزمەتی گشتی و چاکە و چاکەکاری بەکاربێنن. ڕۆژ ڕۆژی ھیمەت و کردار و دوورکەوتنەوەیە لە دروشم و ڕاکێشانی سۆزی خەڵک، بفەرموون ھەموو سەرکردەکان خزمەت بکەن و حزبەکانتان بکەنە ناوەندی خزمەتی گشتی و لەگەڵ خەڵکی خۆماندا ئاشتببنەوە و متمانە بگەڕێننەوە.

بابەتی پێشتر

ڤیدیۆ.. گوندی لهێبان لە ترسی هێرشی چەکدارانی داعش چۆڵکرا

بابەتی دواتر

پاسپۆرتى سلێمانى هاوڵاتییان ئاگادار ده‌كاته‌وه‌

بابەتی پەیوەندیدار
Total
2
Share